इटहरीको सेन्टर प्लाजामा आगलागी

सुनसरी  , १३ चैत । सुनसरीको इटहरीमा रहेका सेन्टर प्लाजामा आगलागी भएको छ । इटहरीको मुख्य चोकमा रहेको सेन्टर प्लाजामा बुधबार बिहान साढे ९ बजेदेखि आगो लागेको हो । १० तले प्लाजाको पाँच तलामा रहेको होटेल बरान्डाबाट सुरु भएको आगलागी नियन्त्रणमा लिने प्रयास भइरहेको छ ।

आगलागी स्थलबाट दुई जनालाई उद्धार गरिएको छ । अरु पनि केही व्यक्तिभित्रै भएको हुन सक्ने अनुमान गरिए पनि यकिन हुन सकेको छैन। प्लाजामा रहेको होटलको बरन्डामा आगलागी भएको प्रहरीले जानकारी दिएको छ । प्रारम्भिक जानकारीअनुसार भौतिक क्षति भएको भए पनि हालसम्म मानवीय क्षतिको कुनै जानकारी प्राप्त भएको छैन ।

आगलागीको कारण हालसम्म खुल्न सकेको छैन । स्थानीयबासी, नेपाल प्रहरी र सशस्त्र प्रहरी बल संयुक्त रूपमा अहिले नियन्त्रणमा लिन प्रयास भइरहेको छ ।