कांग्रेसको माग कायमै , संसद् बैठक स्थगित

काठमाडौँ  , २८ चैत । नेपाली कांग्रेसले प्रतिनिधि सभाको आजको नियमित कार्बाही सुरु हुनासाथै सहकारी रकम अपचलनमा नाम मुछिएका गृहमन्त्री रबि लामिछानेको छानविन गर्न संसदीय समिति गठनको माग गर्दै विरोध जनाएको छ ।

बुधबार बसेको बैठकमा नेपाली कांग्रेसको तर्फबाट आफ्ना भनाई राख्र्दै सांसद रामहरि खतिवडाले गृह मन्त्री लामिछानेको सहकारीको बचत रकम अपचलनमा नाम मुछिएको बिषय छानविन गर्न संसदीय समिति गठनको माग गरेका थिए । त्यसपछि प्रमुख प्रतिपक्षी नेपाली कांग्रेस, राप्रपा र लोसपाले बैठक अवरुद्ध गरेका हुन् ।

आकस्मिक समय सकिएलगत्तै प्रतिपक्षी दलहरु आ(आफ्नो स्थानमा उठेर नाराबाजी गरेका थिए । बैठक अवरुद्ध भएपछि सभामुख  देवराज घिमिरेले आगामी वैशाख २ गते  सम्मका लागि बैठक स्थगित भएको जानकारी गराए ।