गृहमन्त्रीमाथि छानबिनका लागि संसदीय समिति गठन गर्न कांग्रेसको माग

काठमाडौँ १८ चैत –  प्रमुख प्रतिपक्षी नेपाली कांग्रेसले सहकारी ठगीको छानबिन गर्न संसदीय छानबिन समिति गठन गर्नुपर्ने बताएको छ साथै उपप्रधान तथा गृहमन्त्री रवि लामिछानेले राजीनामा दिनुपर्ने माग गरेको छ । आजको बैठकमा पनि प्रतिपक्षी नेपाली काँग्रेसले गृहमन्त्रीमाथि छानबिनका लागि संसदीय समिति गठनको माग दोहोर्‍याएको हो । कांग्रेसका सांसद संजयकुमार गौतमले सहकारीको रकम हिनामिनाका सम्बन्धमा उपप्रधान तथा गृहमन्त्री रवि लामिछानेका सम्बन्धमा प्रमुख प्रमुखले दिएको जवाफले संशय पैदा गरेको बताएका बताएका हुन् ।

सांसद गौतमले उपप्रधान तथा गृहमन्त्री लामिछानेमाथि कानुनी र नैतिक प्रश्न उठेको बताए । प्रधानमन्त्रीले ठूला भ्रष्टाचार र अनियमिततामा संलग्नहरूलाई जोगाएर सुशासनको कुरा गरिरहेको पनि उनको भनाइ थियो । उनले नैतिकताका आधारमा गृहमन्त्रीले पनि आफैँ छानबिनका लागि बाटो खुलाइदिनुपर्ने बताएका छन् ।

यही चैत १४ गते राज्य व्यवस्था तथा सुशासन समितिको बैठकमा प्रहरी महानिरीक्षक वसन्त कुँवरले सूर्यदर्शन सहकारीको ठगीमा लामिछाने निर्दोष रहेको बताएका थिए । छानबिनको दायरामा रहेका व्यक्ति नै गृहमन्त्री भएकोमा गौतमले असहमति जनाए । सरकार  र गृहमन्त्री   दुबैले  छानबिनका लागि  बाटो सहज बनाउनुपर्ने  सांसद गौतमले बताए।