बागमती प्रदेश सरकारद्वारा एक प्रदेशसभा सदस्य निर्वाचन क्षेत्र एक प्राङ्गारिक मल कारखाना स्थापना कार्यक्रमका लागि प्रस्ताव आह्वान

हेटौँडा – बागमती प्रदेश सरकार, कृषि विकास निर्देशनालय हेटौँडाले एक प्रदेशसभा सदस्य निर्वाचन क्षेत्र एक प्राङ्गारिक मल कारखाना स्थापना कार्यक्रम सञ्चालन गर्न इच्छुक आवेदकहरूका लागि प्रस्ताव आह्वान गरेको छ। चालु आर्थिक वर्ष २०८०/८१ को स्वीकृत कार्यक्रमअनुसार कारखाना स्थापना कार्यक्रम कार्यान्वयनका लागि रु. ५०० लाख स्वीकृत बजेट विनियोजन गरिएको छ।

निर्देशनालयले माघ ११ गते सूचना प्रकाशित गर्दै इच्छुक स्थानीय तह, कृषक समूह, सहकारी संस्था, सामुदायिक वन उपभोक्ता समूह, निजी कम्पनी वा अन्य सम्बन्धित संस्थाहरूलाई तोकिएको समयसीमाभित्र आवश्यक कागजातसहित आवेदन दिन अनुरोध गरेको छ। आवेदन निर्देशनालयको कार्यालयमा बुझाउन सकिनेछ वा आधिकारिक इमेल [email protected] मार्फत पठाउन सकिनेछ।

अधिक जानकारीका लागि निर्देशनालयको वेबसाइट https://doad.bagamati.gov.np/ वा भूमि व्यवस्था, कृषि तथा सहकारी मन्त्रालयको वेबसाइट https://molmac.bagamati.gov.np/ मा सम्पर्क गर्न सकिनेछ।