भक्तपुरको निलबाराहीस्थित पिकनिक स्थलमा एक जना पुरूष मृत फेला

काठमाडौँ , १० चैत ।  भक्तपुरमा एक पुरुष मृत फेला परेका छन्। मध्यपुरठिमी नगरपालिका ९ बोडे निलबाराहीस्थित पिकनिक स्थलको पार्किङमा आइतबार बिहान मृत फेला परेका हुन्।खोटाङको केपिलासगढी गाँउपालिका २ घर भई हाल बोडे बस्ने ६६ वर्षका ओमप्रकाश राई मृत फेला परेको प्रहरीले जानकारी दिएको छ।

उनको दाइने कानको छेउ र टाउकोमा चोट देखिएको छ। घटनास्थल नजिकैबाट रगत लागेको ढुंगा बरामद भएको उनले बताए । प्रहरीले हत्याको आशंकामा अनुसन्धान अगाडि बढाएको छ। उनले कवाडीको सामान टिप्ने काम गर्ने खुलेको छ।