नागार्जुन नगर प्रमुख मोहनबहादुर बस्नेतविरुद्ध ८ करोडको ६९ लाख भ्रष्टाचार मुद्दा

काठमाडौँ , २७ माघ । काठमाडौँको नागार्जुन नगरपालिकाका प्रमुख मोहनबहादुर बस्नेतविरुद्ध ८ करोड ६९ लाख ८७ हजार १०५ रुपियाँको भ्रष्टाचारको मुद्दा दायर गरिएको छ। अख्तियार दुरुपयोग अनुसन्धान आयोगका प्रवक्ता नरहरि घिमिरेका अनुसार, बस्नेतको परिवारका सदस्यका नाममा विभिन्न बैङ्क, वित्तीय संस्था र सहकारी संस्थामा १९ करोड ९५ लाख ७४ हजार ८६२ रुपियाँको मौज्दात रहेको पाइएको छ। यस अवधिमा बस्नेतको खर्च र लगानी २८ करोड ६५ लाख ६१ हजार ९६७ रुपियाँ पुगेको देखिएको छ।

अख्तियारका अनुसार, आयभन्दा खर्च बढी रहेकोले आठ करोड ६९ लाख ८७ हजार १०५ रुपियाँ बिगो कायम गरी भ्रष्टाचार मुद्दा दायर गरिएको हो। बस्नेतले सार्वजनिक सेवाको पदमा रहँदा गैरकानुनी रूपमा सम्पत्ति आर्जन गरेको आरोपमा विशेष अदालतमा आरोपपत्र दायर गरिएको छ।