दक्षिण कोरिया: राष्ट्रपतिविरूद्ध महाअभियोग प्रस्ताव पारित

काठमाडौ । दक्षिण कोरियाको सत्तारूढ पार्टीले समेत मत हालेपछि राष्ट्रपति यून सुक योलविरूद्धको महाअभियोग प्रस्ताव पारित भएको छ। त्यसमा २०४ मतले महाअभियोगको प्रस्ताव पारित भएको एशोसिएटेड प्रेस ९एपी०ले जनाएको छ। विपक्षमा ८५ जनाले मत हालेका थिए। भोटिङ सुरु हुँदै गर्दा संसद बाहिर हजारौं नागरिक भेला भएका छन् । राष्ट्रपति योलले यसअघि देशमा सैनिक कानुन लागू गर्ने घोषणा गरेपछि विपक्षी दलले विरोध गरेको थियो ।

लगत्तै उनले निर्णय फिर्ता लिएका थिए । अदालतले १८० दिनभित्र उनलाई पदबाट हटाउने वा पुनर्स्थापना गर्ने भन्ने फैसला दिनुपर्नेछ। अदालतले उनलाई निकालेको अवस्थामा ६० दिनभित्र अर्को चुनाव गरेर नयाँ राष्ट्रपति चुन्नुपर्ने हुन्छ। महाभियोग कागजातको प्रतिलिपिहरू युन र संवैधानिक अदालतमा पुगेपछि, उनको राष्ट्रपतिको शक्ति र कर्तव्यहरू निलम्बित हुनेछन्।

युनको राजनीतिक भाग्यबारे फैसला गर्न अदालतसँग अब १८० दिनको समय छ। यसैबीच, प्रधानमन्त्री हान डक(सू दक्षिण कोरियाको कार्यवाहक राष्ट्रपति बनेका छन्। संसदका सभामुख वू वोन सिक्ले अर्थतन्त्र र वैदेशिक मामिलामा स्थिरताका लागि सरकार र संसदलाई मिलेर काम गर्न आग्रह गरे ।अर्थमन्त्री चोई साङ(मोकले आइतबार अर्थतन्त्रमा आपतकालीन बैठक बोलाउने छन्।