गोकर्णेश्वरमा १९ वर्षीय युवकको हत्यामा संलग्न ६ जना पक्राउ

काठमाडौँ , १८ चैत । गोकर्णेश्वर नगरपालिका(५ बाहुनधारामा १९ वर्षका राहुल साहको हत्यामा संलग्न ६ जनालाई प्रहरीले पक्राउ गरेको छ। सर्लाहीको चक्रघट्टा गाउँपालिका(८ का निवासी राहुल साह चैत ११ गतेदेखि हराइरहेका थिए। चैत १५ गते माकलबारीस्थित आरके मोटरसाइकल वर्कसपको पछाडी जमिनमा गाडिएको अवस्थामा उनका शव फेला परेका थिए।

प्रारम्भिक अनुसन्धानमा हत्या पछि शव गाडेको र लेनदेनको विवादका कारण यो घटनामा संलग्न भएको खुल्न आएको छ। पक्राउ परेका ६ जनामा सर्लाहीको चक्रघट्टा गाउँपालिका(१ का २२ वर्षका निपु मण्डल, १८ वर्षका बिजय यादव, १८ वर्षका करन कुमार महतो, २३ वर्षका जोधन मण्डल, ४५ वर्षका उत्तम मण्डल र भारतको बिहारका २९ वर्षका सुनिल शर्मा रहेका छन्।