काठमाडौं, वैशाख १५ । राष्ट्रिय स्वतन्त्र पार्टी (रास्वपा)का सभापति रवि लामिछानेले आफ्नो पार्टीले सरकारलाई दिएको समर्थन फिर्ता लिन सक्ने बताएका छन् ।सभापति लामिछानेले सांसदको शपथग्रहणपछि सञ्चारकर्मीहरुसँग कुराकानी गर्दै वर्तमान सरकारलाई राष्ट्रिय स्वतन्त्र पार्टीले दिएको समर्थन फिर्ता लिने सम्भावना रहेको बताएका हुन् ।
सभापति लामिछानेले सरकारमा जाने कुरामा सोच तथा त्यस्तो वातावरण नभएकाले समर्थन पनि फिर्ता लिनसक्ने बताएका हुन् ।
आफूहरुलाई भ्रष्टाचारको अन्त्यका लागि मतदाताहरुले मत दिएको तर सरकारले भ्रष्टाचारको अन्त्य गर्ने विषय सरकारले न्यूनतम साझा कार्यक्रमबाट हटाएकाले आफूहरुले समर्थन फिर्ता लिन सक्ने बताएका छन् ।रास्वपाले मुलुकमा अस्थिरता नहोस् भन्ने चाहेको भए पनि सरकारलाई दिएको समर्थनबारे पुनः मूल्याङ्कन गर्ने र सरकारलाई दिएको समर्थनको सम्बन्धमा गम्भीर समिक्षा गरेर मात्रै अगाडि बढ्ने स्पष्ट पारे ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
