रास्वपाबाट चितवन–२ मा रवि ,तनहुँ–१ मा स्वर्णिम वाग्ले र बारा–२ मा रमेश खरेल उम्मेदवार

काठमाडौँ, १७ चैत । राष्ट्रिय स्वतन्त्र पार्टी (रास्वपा)ले वैशाख १० गते हुने प्रतिनिधि सभा सदस्यको उपनिर्वाचनका लागि प्रारम्भिक उम्मेदवार सूची सार्वजनिक गरेको छ ।

बिहीबार राति रास्वपाले सार्वजनिक गरेको सूचीअनुसार चितवन–२ मा पार्टी सभापति रवि लामिछानेको एकल नाम छ । तनहुँ–१ का लागि स्वर्णिम वाग्लेसहित ईश्वर लामिछाने र डा.रूपक बिक घिमिरे को नाम छ ।

त्यस्तै, बारा–२ का रमेश खरेल र युवराज न्यौपाने रहेका छन् ।

उनीहरूले अब रास्वपाको विधानको धारा ७१ बमोजिम सञ्चालन गरिने प्रारम्भिक निर्वाचनमा भाग लिनेछन् । प्रारम्भिक उम्मेदवारउपर दाबी विरोधका लागि आज शुक्रबार बिहान ११ बजेसम्मको समय निर्धारण गरिएको छ ।

तनहुँ–१ का लागी सिफारिसमा परेका अर्थविद् डा. स्वर्णिम वाग्ले हिजोमात्र नेपाली कांग्रेस परित्याग गरी रास्वपा प्रवेश गरेका हुन् ।