काठमाडौं । आगामी बजेटमा विद्युतीय सवारीसाधन (ईभी)मा कर बढ्न सक्ने आशंकाबीच व्यवसायीहरूले ईभी आयात तीव्र पारेका छन् । यसको नतिजास्वरूप काठमाडौंको चोभार सुक्खा बन्दरगाहमा सयौं ईभी गाडी थन्किएका छन् ।
चोभार बन्दरगाहमा १ हजारभन्दा बढी ईभी थन्किएका
रसुवागढी र तातोपानी नाकामा थप १ हजारभन्दा बढी
चीनबाट ईभीको मूल्य घटेको अवसर र भन्सार बढ्ने आशंकाले प्रेरित
व्यवसायीहरूले चीनबाट ईभीको मूल्य घटेको र आगामी बजेटमा भन्सार बढ्न सक्ने दुबै कारणले गाडी तीव्र गतिमा भित्र्याइरहेका छन् । नेपाल इन्टरमोडल यातायात विकास समितिका अनुसार चोभारमा थन्किएका धेरै गाडी भन्सार प्रक्रिया पूरा नभएका छन् भने केही सिधै उपत्यका बाहिरका शोरुममा पठाइएका छन् ।
उच्चस्तरीय आर्थिक सुधार सुझाव आयोग (खनाल आयोग)ले पेट्रोलियम पदार्थ र ईभीमा कर समायोजन गर्न तथा कार्बन उत्सर्जन गर्ने सवारीमा ‘हरित कर’ लगाउन सिफारिस गरेपछि यस क्षेत्रमा अनिश्चितता बढेको छ । यसले गर्दा व्यवसायीहरू अघिल्लो नीतिगत परिवर्तन अघि नै आयात बढाउन अग्रसर भएका हुन् ।
पछिल्लो समयमा नेपालमा विद्युतीय सवारीको प्रति उपभोक्ताको रुचि बढ्दै गएको छ । तर आगामी कर नीतिको अनिश्चितताले यस क्षेत्रको भविष्यमा प्रश्नचिन्ह लगाएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
