अनलाइन ठगी बढ्दै: जनतालाई सचेत रहन अपिल

काठमाण्डौ।नेपाल प्रहरीको साइबर ब्यूरोले सामाजिक सञ्जाल प्लेटफर्महरू जस्तै फेसबुक, इन्स्टाग्राम, टेलिग्राम, व्हाट्सएप, मेसेन्जर, र भाइबरमा प्रायोजित विज्ञापनमार्फत अनलाइन रोजगारीको अफर दिने प्रयासहरूप्रति सतर्क रहन सर्वसाधारणलाई आग्रह गरेको छ।

यस किसिमका विज्ञापनहरूले प्रयोगकर्ताहरूलाई आकर्षित गर्न रोजगारीका झुटा आश्वासन दिने र त्यसपछि उनीहरूलाई ठगी गर्ने उद्देश्यले वेबसाइटहरूमा लैजाने गरेको पाइएको छ।

हालसालै, ईसेवा, खल्ती तथा अन्य डिजिटल वालेटहरू र बैंकिङ प्रणालीमा ओटीपी (OTP) प्रयोग गरी ठगीका घटनाहरूमा वृद्धि भएको ब्यूरोले जनाएको छ।

त्यसैगरी, उपहार प्याकेज, अनलाइन सपिङ, अनलाइन PTE बुकिङ, कोठा भाडामा दिने अफर तथा बैंक खाता साझेदारीमार्फत हुने ठगीका घटनाहरू पनि बढ्दै गएका छन्।

यस सन्दर्भमा, ब्यूरोले निम्न सावधानी अपनाउन अनुरोध गरेको छ:

• अनलाइन रोजगारी अफरप्रति सतर्क रहनुहोस्।
• व्यक्तिगत विवरण वा बैंक खाता सम्बन्धी जानकारी यस्ता वेबसाइटहरूमा साझेदारी नगर्नुहोस्।
• OTP कसैलाई नदिनुहोस्।
• अनलाइन उपहार प्याकेज, अनलाइन सपिङ, PTE बुकिङ तथा कोठा भाडामा दिने जस्ता अफरहरूमा सतर्क रहनुहोस्।
•