माछा मार्ने क्रममा डुबेर एक जनाको मृत्यु

काठमाडौं, १७ जेठ । नारायणी नदीमा डुबेर एक जनाको मृत्यु भएको छ । मृत्यु हुनेमा पूर्वी नवलपरासीको गैँडाकोट नगरपालिका १४ बेलटाडीँ का २८ वर्षीय सुनिल राना मगर रहेका छन् । उनको नारायणी नदीमा माछा मार्ने क्रममा डुबेर मृत्यु भएको हो ।

बुधवार नारायणी नदीमा माछा मार्न गएका मगर राति अबेर सम्म पनि घर नआए पछि खोजी गर्दा आज बिहान गैँडाकोट नगरपालिका १६ दोभानघाट स्थित नारायणी नदीमा शव फेला परेको हो ।