नारायणगढ-मुग्लिन सडकखण्डमा एक्स्काभेटरमाथि ढुंगा खस्दा एकजनाको मृत्यु

काठमाडौँ, जेठ १३ । नारायणगढ–मुग्लिन सडकखण्डको मुग्लिन बजारनजिक तुइन खोलाआडमा सडकमा नाला खन्दै गरेको एक्स्काभेटरमाथि ढुंगा खसेको एक्सकाभेटर अपरेटरको मृत्यु भएको छ।

आइतबार बिहान माथिबाट झरेको ढुंगासहितको पहिरोमा पुरिएर बर्दिया घर भएका अन्दाजी ३२ वर्षीय अपरेटर मंगल चौधरी गम्भीर घाइते भएका थिए। मेसिनमाथि पहिरो खस्दा मेसिनमा समेत क्षति पुगेको बताइएको छ । पहिरोमा परी गम्भीर घाइते भएका चालक चौधरीको उपचारका लागि भरतपुर लगिए पनि उपचारमा संलग्न चिकित्कसले मृत घोषणा गरेको हो ।

पहिरो खसेर मेसिनमै च्यापिएका अपरेटरलाई बाहिर निकालेर सडक दुईतर्फी सञ्चालनमा ल्याइएको डिभिजन कार्यालयले जानकारी दिएको छ ।