फागुन ४ गते मोलुङ हाइड्रोपावरको आईपीओ आउँदै

काठमाडौँ , माघ २५ ।    मोलुङ हाइड्रोपावर कम्पनी लिमिटेडले सर्वसाधारणका लागि फागुन ४ गतेदेखि आईपीओ बिक्री खुला गर्ने भएको छ ।

कम्पनीले जारी पुँजी ८० करोड २५ लाखको ३४ प्रतिशत शेयरमध्ये दुई लाख ७२ हजार आठ सय ५० कित्ता शेयर वैदेशिक रोजगारीमा रहेका नेपालीलाई वितरण गरिसकेको छ ।

एक लाख ३६ हजार चार सय २५ कित्ता सामूहिक लगानी कोषलाई वितरण गरिसकेको छ ।

बाँकी रहेको २२ लाख ६४ हजार ६५५ कित्तामा सर्वसाधारणले आवेदन दिन पाउने कम्पनीले जनाएको छ ।लगानीकर्ताले यस आईपीओमा न्यूनतम १० कित्तादेखि अधिकतम ८ हजार कित्ताका लागि आवेदन दिन पाउने छन् ।

शेयरमा लगानीकर्ताले फागुन १० सम्म र सो अवधिमा माग बमोजिम आवेदन नपरे फागुन १८ सम्म आवेदन दिन सक्नेछन् ।