झन्डै तीन दशकको विश्वाससँगै महालक्ष्मी विकास बैंकको नयाँ रणनीति

काठमाडौं। महालक्ष्मी विकास बैंक ले ‘झन्डै तीन दशकको विश्वसनीय बैंकिङ उत्कृष्टता’लाई आत्मसात गर्दै पोखरामा आफ्नो वार्षिक समीक्षा बैठक सम्पन्न गरेको छ। बैंकका प्रमुख कार्यकारी अधिकृत दिपेश लम्साल ले बैठकलाई सम्बोधन गर्दै संस्थाको प्रगति, भावी रणनीति र व्यवसायिक सम्भावनाबारे धारणा व्यक्त गर्नुभएको छ।

पोखरामा आयोजित उक्त बैठकमा बैंकका शाखा प्रमुख, विभागीय प्रमुख, उच्च व्यवस्थापनका पदाधिकारी तथा विभिन्न तहका नेतृत्वकर्ताहरूको सक्रिय सहभागिता रहेको थियो। हालै सम्पन्न राष्ट्रिय निर्वाचनपछि व्यवसायिक वातावरणमा सकारात्मक ऊर्जा थपिएको उल्लेख गर्दै प्रमुख कार्यकारी अधिकृत लम्सालले आगामी दिनमा बैंकको प्रदर्शन अझ सुदृढ हुने विश्वास व्यक्त गर्नुभयो।

उहाँले बैंकप्रति निरन्तर विश्वास र साथ प्रदान गर्ने ग्राहकप्रति आभार व्यक्त गर्दै संस्थाको विकासमा सञ्चालक समितिको मार्गदर्शन महत्वपूर्ण रहेको बताउनुभयो। साथै, देशभर अग्रपङ्क्तिमा रहेर सेवा दिँदै आएका कर्मचारीको समर्पणले बैंकलाई निरन्तर अगाडि बढाएको उल्लेख गर्नुभयो।

बैंकले साझा प्रयास र प्रतिबद्धतामार्फत आर्थिक पुनरुत्थान, सुदृढीकरण र विस्तारलाई प्राथमिकतामा राख्दै सेवा प्रभावकारिता अभिवृद्धि गर्ने लक्ष्य लिएको जनाएको छ।

दरबारमार्गस्थित केन्द्रीय कार्यालयबाट सञ्चालन हुँदै आएको बैंकले देशभर फैलिएको आफ्नो सञ्जालमार्फत १०३ शाखा र ३३ नगद सेवा केन्द्रद्वारा ८ लाखभन्दा बढी ग्राहकलाई सेवा प्रदान गर्दै आएको छ। बैंकले वित्तीय पहुँच विस्तारसँगै गुणस्तरीय सेवा प्रवाहमा निरन्तर जोड दिँदै आएको जनाएको छ।