सयपत्री हाइड्रोपावरको आईपीओ बाँडफाँट

काठमाडौँ, २४ श्रावण । सयपत्री हाइड्रोपावरको आईपीओ बाँडफाँट भएको छ। गोलाप्रथामार्फत आज मंगलबार बाँडफाँट भएको आईपीओमा ६७ हजार ५८ जना सर्वसाधारण लगानीकर्ताहरुले सेयर पाएका छन्।

आइपीओमा बिक्री प्रबन्धक एनआइबीएल एस क्यापिटलका अनुसार कुल १४ लाख १३ हजार ५७२ जनाले आवेदन दिएकामा १ हजार १०४ जनाको आवेदन रद्द भएको थियो । जसमध्ये ६ जनाले ११ कित्ता र बाँकीले १० कित्ताका दरले शेयर पाएका छन्। कम्पनिले श्रावण १३ गतेदेखि सर्वसाधारणका लागि आईपीओ बिक्री खुला गरेको थियो ।

कम्पनीले आयोजना प्रभावित स्थानीयले नकिनेको १ लाख २१ हजार ६० कित्तासमेत थप गरी कुल ७ लाख २१ हजार ६० कित्ता सेयर निष्कासन गरेको हो। यसमध्ये ५५ अर्थात ३६ हजार ५३ कित्ता सेयर समूहिक लगानी कोष र २५ अर्थात १४ हजार ४२१ कित्ता सेयर कम्पनीका कर्मचारीहरुका लागि छुट्याइएको छ।

आफुलाई सेयर परे नपरेको नतिजा हेर्न बिक्री प्रबन्धक एनआइबीएल एस क्यापिटलको वेबसाइट र मेरोसेयर एकाउन्टबाट सक्नेछन् ।