त्रिविका क्याम्पसहरूमा स्ववियु निर्वाचन आज ,विश्वविद्यालयमा भने चैत ८ गते

काठमाडौँ –  त्रिभुवन विश्वविद्यालयअन्तर्गतका आङ्गिक र सामुदायिक क्याम्पसहरूमा आज स्वतन्त्र विद्यार्थी युनियन ९स्ववियु० निर्वाचन हुँदैछ। विश्वविद्यालय क्याम्पसमा भने चैत ८ गते निर्वाचन हुने छ।

विश्वविद्यालय क्याम्पसमा २१ सदस्यीय स्ववियु निर्वाचन हुने छ, जसमा ११ जना प्रत्यक्ष र १० जना समानुपातिकबाट निर्वाचित हुनेछन्। क्याम्पसमा कुल ६,१४६ मतदाता रहेका छन्, जसले मतदान गरेर नेतृत्व चयन गर्नेछन्। अध्यक्ष, सचिव र कोषाध्यक्ष पदमा प्रत्यक्ष निर्वाचित हुनेछन्, जबकि उपाध्यक्ष र उपसचिवसहित २१ सदस्य निर्वाचित भएपछि उपाध्यक्ष र उपसचिवको चयन बहुमतमा आधारित हुनेछ। यदि बहुमत नआएमा सहमति वा मतदानबाट चयन हुने व्यवस्था छ।

स्ववियु निर्वाचनका लागि २० वटा इलेक्ट्रोनिक भोटिङ मेसिन प्रयोग गरिने जनाइएको छ। यद्यपि, निर्वाचनको तयारी भइरहेको बेला सोमबार मध्यराति रत्नराज्यलक्ष्मी ९आरआर० क्याम्पसमा अनेरास्ववियुले तालाबन्दी गरेको छ। यसैबीच, सुरक्षा कारण देखाउँदै अमृत साइन्स क्याम्पसमा निर्वाचन स्थगित गरिएको छ।