हब इन्टरनेशनल एजुकेशन कुमारिपाटीले ‘युके एडमिसन डे २०२५’ सफलतापूर्वक सम्पन्न गर्यो

काठमाडौं, २०२५ – हब इन्टरनेशनल एजुकेशन, कुमारिपाटी शाखाले ‘युके एडमिसन डे २०२५’ कार्यक्रम भव्य रूपमा सम्पन्न गरेको छ। उक्त कार्यक्रममा युनिभर्सिटी प्रतिनिधिहरू र विद्यार्थीहरू सहभागी भएका थिए। उनीहरूले बेलायतमा उच्च शिक्षा अध्ययनका लागि आवश्यक कार्यक्रम, सुविधाहरू र अन्तर्राष्ट्रिय विद्यार्थीहरूलाई प्रदान गरिने सेवा तथा सहयोगहरूबारे जानकारी प्रदान गरे।

माल्भर्न इन्टरनेशनलका तर्फबाट कृपा पाण्डेले पूर्वी लन्डन विश्वविद्यालय (University of East London) का कार्यक्रम र सुविधाहरूको बारेमा प्रकाश पारिन्। उनले नेपालका विद्यार्थीहरूलाई सहज रुपान्तरण र शैक्षिक सफलता सुनिश्चित गर्न माल्भर्न इन्टरनेशनलले प्रदान गर्ने सहयोग सेवाहरूबारे विस्तृत जानकारी दिइन्।

नेपाल र भुटानका लागि देश प्रमुख सुजन घिमिरेले वेस्ट अफ इङ्ल्यान्ड विश्वविद्यालय (University of the West of England, UWE) का विविध कार्यक्रम र सुविधाहरूको बारेमा चर्चा गरे। उनले बेलायतमा अध्ययनका लागि प्रारम्भिक तयारीको महत्त्वलाई जोड दिँदै हब इन्टरनेशनल एजुकेशनबाट मार्गदर्शन र परामर्श लिन विद्यार्थीहरूलाई आग्रह गरे।

स्टडी ग्रुपकी पार्टनर सेल्स म्यानेजर प्रियंका अग्रवालले स्टडी ग्रुपद्वारा प्रदान गरिने सेवा र कार्यक्रमबारे जानकारी गराइन्। उनले विद्यार्थीहरूलाई शैक्षिक तथा व्यावसायिक यात्रामा सफल बनाउन आवश्यक सीप र ज्ञान विकासका लागि तयार पारिएका कार्यक्रमहरूको बारेमा प्रष्ट पारे।

अन्तर्राष्ट्रिय भर्ती अधिकृत रोजिना थापाले अक्सफोर्ड इन्टरनेशनल एजुकेशन ग्रुपका सेवा र कार्यक्रमबारे जानकारी दिइन्। उनले विद्यार्थीहरूका लागि उपलब्ध स्रोतहरू र सहयोग सेवाहरूबारे प्रकाश पारे।

कार्यक्रमको अन्त्यमा हब इन्टरनेशनल एजुकेशन, कुमारिपाटी शाखाकी इन्चार्ज सन्तोषी भण्डारीले धन्यवाद ज्ञापन गर्दै सबै विश्वविद्यालय प्रतिनिधिहरू र विद्यार्थीहरूलाई कार्यक्रममा सहभागी भएर कार्यक्रमलाई भव्य र सफल बनाएकोमा आभार व्यक्त गरिन्।

उक्त कार्यक्रमले बेलायतमा उच्च शिक्षा अध्ययन गर्न चाहने विद्यार्थीहरूलाई विभिन्न अवसरहरूको खोजी, छात्रवृत्ति, आवेदन प्रक्रिया र विश्वविद्यालयका विशेषताहरूबारे महत्वपूर्ण जानकारी प्रदान गरेको थियो।