प्रतितोला २० हजार ५ सयले बढ्यो सुनको भाउ

काठमाडौं । नेपाली बजारमा सुनचाँदीको भाउ लगातार उच्च हुँदै गएको छ। नेपाल सुनचाँदी व्यवसायी महासंघका अनुसार बिहीबार सुनको भाउ प्रतितोला २० हजार ५ सय रुपैयाँले बढेर ३ लाख ३९ हजार ३ सय रुपैयाँमा पुगेको छ। यो भाउ हालसम्मकै सर्वाधिक स्तर हो। हिजो बुधबार सुनको भाउ प्रतितोला ९ हजार ५ सय रुपैयाँले बढेर ३ लाख १८ हजार ८ सय रुपैयाँमा कायम भएको थियो।

त्यस्तै, चाँदीको भाउ पनि लगातार बढिरहेको छ। बुधबार चाँदी प्रतितोला २ सय ५ रुपैयाँले बढेर ७ हजार ५ सय ५ रुपैयाँमा पुगेको छ। मंगलबारको तुलनामा बुधबार चाँदीको भाउ ४ सय ३० रुपैयाँले बढेर ७ हजार ३ सय रुपैयाँमा पुगेको थियो।

विशेषज्ञका अनुसार अन्तर्राष्ट्रिय बजारमा सुनको मूल्य उच्च भएको र स्थानीय माग बढेको कारणले नेपाली बजारमा सुन र चाँदी दुवैको भाउ उच्च रहनु स्वाभाविक हो।