प्रतितोला ५ हजार ६ सयले बढ्यो सुनको मूल्य

काठमाडौँ । आज सुनचाँदी दुवैको मूल्य बढेको छ। नेपाल सुनचाँदी व्यवसायी महासंघका अनुसार आइतबार सुन प्रतितोला ३ लाख २० हजार ५ सय रुपैयाँमा किनबेच भइरहेको छ।

आज सुनको भाउ हिजोको भन्दा प्रतितोला ५ हजार ६ सय रुपैयाँले बढेको हो। शुक्रबार भने सुन प्रतितोला ३ लाख १४ हजार ९ सय रुपैयाँमा कारोबार भएको थियो।

त्यस्तै, चाँदीको मूल्य पनि बढेको छ। शुक्रबार प्रतितोला ५ हजार ७ सय ४० रुपैयाँ रहेको चाँदी आज आइतबार ५ हजार ९ सय ८५ रुपैयाँ पुगेको महासंघले जनाएको छ।