सुन तस्करी प्रकरण : पूर्व उपराष्ट्रपति पुत्र दीपेशलाई भैरहवा लगियो

काठमाडौँ, ३ चैत । सुन तस्करी प्रकरणमा काठमाडौँबाट पक्राउ परेका नेकपा (माओवादी केन्द्र) को भातृसंगठन अखिल क्रान्तिकारीका महासचिव दीपेश पुनलाई भैरहवा लगिएको छ ।

पूर्वउपराष्ट्रपति नन्द किशोर पुन पासाङका छोरासमेत रहेका दीपेशलाई प्रहरीले शुक्रबार साँझ जहाजमार्फत भैरहवा पठाएको हो ।

रुपन्देहीमा सहकारी ठगीसम्बन्धी मुद्दामा उनीविरुद्ध यसअघि नै पक्राउ पुर्जी जारी भएको थियो ।

प्रहरी प्रधान कार्यालय, नक्सालबाट खटिएको प्रहरी टोलीले माओवादी निकटअनेरास्ववियु क्रान्तिकारीका महासचिव समेत रहेका दिपेसलाई शुक्रबार टोखाको धापासीबाट पक्राउ गरेको थियो ।

६१ किलो सुन तस्करी प्रकरणका आरोपी बेल्जियन नागरिक दावा छिरिङसँग उनको सम्पर्क देखिएपछि सुन जाँचबुझ आयोगले पुनसँग बयान लिएको समेत लिएको थियो । यस्तै, बुटवलको सुप्रिम सहकारी ठगी प्रकरणमा पनि उनको नाम मुछिएको थियो ।