हब इन्टरनेशनल एजुकेशन आयोजित शैक्षिक मेला २०२५ सफलतापूर्वक सम्पन्न

काठमाण्डौ। हब इन्टरनेशनल एजुकेशन हात्तीसार द्वारा आयोजित अष्ट्रेलिया अध्ययन सम्बन्धि शैक्षिक मेला २०२५ सफलतापूर्वक सम्पन्न भएको छ। आयोजक संस्थाले मेलामा सहभागी भएका सबै विद्यार्थी, अभिभावक र विश्वविद्यालयका प्रतिनिधिहरूप्रति धन्यवाद व्यक्त गरेको छ।

कार्यक्रमले अष्ट्रेलियामा अध्ययन गर्न चाहने विद्यार्थीहरूलाई उल्लेखनीय अवसर प्रदान गरेको थियो। मेलामा सदर्न क्रस युनिभर्सिटी, एक्सेल्सिया कलेज, युनिभर्सिटी अफ नोट्र डाम अष्ट्रेलिया, अक्सफोर्ड इन्टरनेशनल एजुकेशन ग्रुप, एआईबीआई हायर एजुकेशन र यूपी हायर एजुकेशन जस्ता प्रतिष्ठित विश्वविद्यालयका प्रतिनिधिहरूसँग विद्यार्थीहरूले प्रत्यक्ष संवाद गर्ने अवसर पाएका थिए।

विद्यार्थीहरूले शैक्षिक कार्यक्रमहरू, छात्रवृत्ति विकल्पहरू, र आवेदन प्रक्रियाबारे महत्त्वपूर्ण जानकारी प्राप्त गरेका थिए। धेरै विद्यार्थीहरूले यस कार्यक्रमलाई अत्यन्त उपयोगी रहेको प्रतिक्रिया दिएका छन्।

आयोजक संस्थाले मेलाको सफलताले विद्यार्थीहरूलाई उनीहरूको शैक्षिक लक्ष्यप्रति थप प्रेरित बनाएको जानकारी गराएको छ। साथै, भविष्यमा यस्तै प्रकारका कार्यक्रमहरू आयोजना गर्दै विद्यार्थीहरूको आवश्यकता पूरा गर्ने प्रतिबद्धता पनि व्यक्त गरिएको छ।

थप जानकारीका लागि विद्यार्थीहरूले हब इन्टरनेशनल एजुकेशनका कुमारिपाटी, पोखरा, बुटवल, भैरहवा, नेपालगञ्ज र बिर्तामोड शाखामा भ्रमण गर्न सक्नेछन्। आयोजकका अनुसार, यस्ता कार्यक्रमहरूले विद्यार्थीहरूलाई सही मार्गदर्शन दिन मद्दत पुर्‍याउने विश्वास गरिएको छ।