रवि लामिछानेलाई न्यायिक हिरासतमा पठाउने अदालतको आदेश

काठमाडौँ , २८ पुस । राष्ट्रिय स्वतन्त्र पार्टीका सभापति रवि लामिछानेलाई जिल्ला अदालत काठमाडौंले न्यायिक हिरासतमा पठाउने आदेश दिएको छ। जिल्ला न्यायाधीश माधवप्रसाद अधिकारीको इजलासले उनलाई प्रहरीले नियन्त्रणमा राख्न निर्देशन दिएको हो।

लामिछानेमाथि सुर्यदर्शन सहकारी प्रकरणमा आर्थिक अनियमितताको आरोप छ। यसअघि, कास्की जिल्ला अदालतले यो मुद्दामा उनलाई ६५ लाख रुपैयाँ धरौटीमा रिहा गर्ने आदेश दिएको थियो।
प्रहरीको अनुसन्धानले स्वर्णलक्ष्मी सहकारीबाट गोर्खा मिडिया नेटवर्कमा कानूनी प्रक्रिया विपरीत ५ करोड ७८ लाख ९८ हजार ४८० रुपैयाँ स्थानान्तरण भएको तथ्य बाहिर ल्याएको छ। सरकारी वकिल कार्यालयले यही आधारमा लामिछानेविरुद्ध बिगो दाबी गर्दै मुद्दा दायर गरेको छ।

रवि लामिछाने आइतबार अदालतमा स्वेच्छाले उपस्थित भएका थिए। उपस्थितिपछि न्यायाधीश अधिकारीको इजलासमा उनको बयान भएको थियो। बयानपछि अदालतले उनलाई हिरासतमा पठाउने आदेश दिएको हो।