एशियन हाइड्रोपावरको आइपिओ खुला

काठमाडौँ  , २७ मंसिर | एशियन हाइड्रोपावर कम्पनी लिमिटेडको साधारण शेयरको बिक्री खुला गरेको छ । कम्पनीले  स्थानीय तथा वैदेशिक रोजगारीमा रहेका नेपालीका लागि साधारण शेयरको बिक्री खुला गरेको छ । कम्पनीले  प्रतिकित्ता  १०० अङ्कित दरमा चार लाख २४ हजार कित्ता शेयर प्राथमिक सेयर  निष्कासन तथा बिक्री खुला गरेको छ  ।

कम्पनीले आयोजना प्रभावित क्षेत्रका स्थानीयलाई निष्कासन गर्ने शेयरमध्ये ४० प्रतिशत  ,वैदेशिक रोजगारीमा रहेका नेपालीका लागि  १० प्रतिशत शेयर छुट्याएको छ । अति प्रभावित क्षेत्र इलामको इलाम नगरपालिका–१०, माई जोगमाई गाउँपालिका ३ र ४  तथा सूर्योदय नगरपालिका –११ का स्थानीय बासिन्दाका लागि  ४० प्रतिशत अर्थात एक लाख ३६ हजार कित्ता शेयर  छुट्याइएको छ ।

६० प्रतिशत शेयर  इलामको अन्य क्षेत्रमा बसोबास गर्नेका लागि खुला गरेको छ  ।वैदेशिक रोजगारीमा रहेका नेपालीले पुस १२ गतेसम्म र आयोजना प्रभावित स्थानीयले   पुस २७ गतेसम्म खरिदका लागि आवेदन दिन सक्नेछन् ।