बलात्कार आरोपमा पक्राउ परेका प्रहरी जवानद्वारा हिरासतमा आत्महत्या

घोराही, कात्तिक १२ । बलात्कार आरोपमा पक्राउ परेका एक जना सशस्त्र प्रहरीले प्रहरी हिरासतमै आत्महत्या गरेका छन् । दाङको राप्ती गाउँपालिका वडा नम्बर १ भालुवाङस्थित २९ नम्बर ज्वालामाई गणमा कार्यरत सशस्त्र प्रहरी जवान रेवन पचभैया मगर घोराहीस्थित वडा प्रहरी कार्यालयमा आफ्नै गञ्जी र टिर्सटको पासोमा झुन्डिएर आत्महत्या गरेका हुन ।

गत असोज २४ मा भलुबाङका १४ र ८ वर्षीय दुई बालिकालाई बलात्कार गरेको आरोपमा भालुबाङस्थित सशस्त्र प्रहरी बल ज्वाला माई गणका दुई प्रहरी नियन्त्रणमा थिए । उक्त घटनामा सशस्त्र प्रहरीका जवान सहायक हवल्दार भरत रोका मगर हिरासतमै रहेका छन् ।