सुनसरीमा झण्डै २ करोड नक्कली नोटसहित एक भारतीय नागरिक पक्राउ

काठमाडौँ, २९ माघ ।  सुनसरीमा प्रहरीले भारतीय नम्बर प्लेटको स्करपियो गाडीबाट नेपाली नक्कली नोट बरामद गरेको छ । प्रहरीले बीआर ११ एक्स ३४२९ नम्बरको स्कोरपियो गाडीमा एक करोड ८२ लाख ५१ हजार नेपाली नक्कली नोट बरामद गरेको हो । इनरुवा नगरपालिका–४ स्थित सुनसरी खोलाको पुलनजिक गाडी खानतलासी गर्दा उक्तm नक्कली नोट बरामद गरिएको हो ।

शंका लागेर स्कोरपियो गाडीमा खानतलासी गर्दा पछाडिको भागमा लुकाएर बोराभित्र झोलामा राखिएको राखेको नक्कली नोटहरु बरामद भएको हो । नक्कली नोटसँगै एक जना भारतीय नागरिक पनि पक्राउ परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।