रिगलको आममाफी विरुद्धको रिटमा आज सुनुवाइ हुने

काठमाडौँ  , १८ असोज  | संविधान  दिवसका अवसर पारेर सरकारको सिफारिसमा राष्ट्रपति रामचन्द्र पौडेलबाट  आममाफी  पाएका  रिगल   भनिने योगराज ढकालको आममाफीविरूद्वको रिटमा आज बिहीबार सुनुवाई हुँदैछ ।   खुँडा प्रहार गरी हत्या गर्ने योगराज ढकाल रिगलले आममाफी पाएपछि सरकारको चौतर्फी आलोचना भइरहेको छ ।

२०७२  असार २९ गते  नेपालगञ्जको धम्बोजी चोकमा चेतन मानन्धरमाथि खुँडा प्रहार गरी हत्या भएको थियो ।

मृतक चेतनकी श्रीमती भारती मानन्धरले सर्वोच्च अदालतमा रिट दायर गरेका थिए । रिगलको कैद सजाय मिनाहा गर्ने राष्ट्रपतिको निर्णय बदर हुनुपर्ने माग राखेर गएको आइतवार भारतीले सर्वोच्च अदालतमा रिट दायर गर्नु भएको थियो । उनले रिगलको आममाफी फिर्ता हुनुपर्ने माग राखेका छन् ।

उनलाई  जिल्ला अदालत बाँकेका तत्कालीन न्यायाधीश विष्णु सुवेदीको इजलासले २०७६ साल वैशाखमा   सर्वस्वसहित जन्मकैद सुनाएको थियो ।