भक्तपुरको हनुमन्ते खोलामा एक पुरूष मृत फेला

काठमाडौँ, फागुन २१ । भक्तपुरको राधेराधेस्थित भाटभटेनी नजिकैको हनुमन्ते खोलामा एक पुरूष मृत फेला परेको छ । आज सोमबार बिहान मध्यपुरठिमी नगरपालिका वडा नम्‍बर ९ राधेराधेस्थित हनुमन्ते खोलामा एक जना पुरूष मृत फेला परेका हुन् ।

खोलामा बा ८६ प.९७३० नम्बरको स्कुटर संगै उत्तानो परेको अवस्थामा उक्त युवाको लाश फेला परेको छ । घटना शंकास्पद रहेको र थप जानकारी अनुसन्धान पछि मात्रै खुल्ने त्यहाँ उपस्थित प्रहरीले जानकारी दिएका छन् ।

मृतक इलाम नगरपालिका वडा नम्बर ३ घर भई काठमाडौंको तिनकुने बस्ने २६ वर्षीय छत्र थापा भएको खुलेको छ ।

शव पोष्टमर्टमको लागि  अस्पतालमा लगिएको प्रहरी वृत्त ठिमीले जनाएको छ।