नवलपरासीमा धारिलो हतियार प्रहार गरी हजुरबुबा र नातीको हत्या

नवलपरासी , फागुन १ | नवलपरासीमा दुई जनाको शव फेला परेको छ । सुस्ता गाउँपालिका–३ मर्चहवा निवासी ६५ वर्षीय  यक्षलाल चमार र उनका नाति ११ वर्षीय नाती गौचरण चमारको गएराति हत्या भएको हो । मंगलबार बिहान उनीहरुको शव घरदेखि झण्डै पाँचसय मिटर दक्षिणमा फेला परेको हो ।

मृतक यक्षलालको छोरा बुहारी , दुई नाती र एक नातिनी रहेका छन् । छोरा रोजगारीका लागि भारत गएपछि बुहारी एक छारा र एक छोरी लिएर माइती घरमा गएकी थिइन् भने एक नाती हजुरबुबासँगै बस्दै आएका थिए ।

उनिहरुको शरिरमा धारिलो हतियार प्रहार गरि हत्या गरिएकाले प्रहरीले यस बिषयमा थप अनुसन्धान  थालेको छ ।