धरहराको पार्किङ बन्द हुँदैन , निर्लज्ज प्रतिप्रश्न गर्नेहरूलाई पत्र लेख्नु: बालेन शाह

काठमाडौँ, २२ माघ ।  काठमाडौँ महानगरपालिकाका मेयर बालेन शाहले धरहराको निःशुल्क पार्किङ बन्द नहुने बताएका छन् । उनले सोमबार बिहानै सामाजिक सञ्जाल मार्फत  धरहरा भित्रको पार्किङको बन्द नहुने बताएका हुन् । शहरी विकास मन्त्रालयले निर्माणाधीन अवस्थामा रहेको धरहराको बेसमेन्टमा पार्किङ नगराउन भन्दै महानगरपालिकालाई पत्र काटेपछि मेयर बालेनले सामाजिक सञ्जाल मार्फत मन्त्रालयलाई कडा जवाफ दिएका छन्।

उनले लेखेका छन् , ‘ उदघाटन गरेको २ बर्ष ९ महिना पछि पनि बनाएर नसकिएको लाज त्यागेर पत्र लेख्नुको औचित्य के हो रु पार्किङ बन्द गर्न महानगरमा पत्र लेख्नु भन्दा तत्कालीन प्रधानमन्त्री केपि ओलिले भन्नू भएको थियो  नबनेको भए म बिसौँ तलामा कसरी पुगेँ भनेर निर्लज्ज प्रतिप्रश्न गर्नेहरूलाई पत्र लेख्नु उपयुक्त हुन्छ । काठमाडौं महानगरपालिकाले न्यूरोड क्षेत्रमा पार्किङ निषेध गरेपछि धरहराको भूमिगत पार्किङ खोलेको थियो ।”