दोषीलाई करर्बाहीको माग गर्दै पाटन अस्पतालमा आकस्मिक बाहेकका सेवा ठप्प

काठमाडौं, कात्तिक २१  । ललितपुरस्थित  पाटन स्वास्थ्य विज्ञान प्रतिष्ठान अन्तर्गतको पाटन अस्पतालका चिकित्सक तथा स्वास्थ्यकर्मीहरू आजबाट आन्दोलनमा उत्रेका छन्। कात्तिक १८ गते ज्येष्ठ नागरिक वार्डमा कार्यरत चिकित्सक तथा स्वास्थ्यकर्मीहरूमाथि बिरामीका आफन्तले कुटपिट गरेपछि चिकित्सकमाथि कुटपिट गर्ने करर्बाहीको माग गर्दै अस्पतालका चिकित्सक तथा स्वास्थ्यकर्मीहरूले आजबाट आकस्मिक बाहेकमा सेवा   ठप्प पारेका छन् ।

डाक्टरमाथि मुक्का, प्रहरीकै अगाडि खुँडा हान्ने धम्की दिँदा पनि २ दिनसम्म दोषीलाई कुनै कानुनी कारवाही नभएको भन्दै अस्पतालमा कार्यरत चिकित्सक तथा स्वास्थ्यकर्मीहरूको समूहले विज्ञप्ति जारी गर्दै आकस्मिक बाहेकमा सेवा   ठप्प पारेका छन् ।

पाटन अस्पतालमा उपचार गराइरहेका दुई बिरामीलाई गत शनिबार सुईबाट औषधि दिएकोमा उनीहरुको सुई लगाएको केहीबेरमै मृत्यु भएको मृतकका आफन्तको दाबी छ ।