इन्द्रजात्रा हेर्न गएका एक किशोरको हत्या

 काठमाडौं, १६ असोज |  काठमाडौंको न्यूरोड मखन गल्ली स्थित सानो पशुपतिमा जात्रा हेर्न गएका किशोरको हत्या भएको छ ।

इन्द्रजात्रा हेर्न गएका ओखलढुंगा लिखु गाउँपालिका–४ घर भई क्षेत्रपाटी बस्दै आएका १७ वर्षीय सनी कार्कीको हत्या भएको हो ।

गएराति जात्रामा झगडा हुँदा क्षेत्रपाटी बस्दै आएका १७ वर्षीय कार्कीमाथि धारिलो हतियार प्रहार भएको थियो । धारिलो हतियार प्रहारबाट गम्भीर घाइते भएका उनको उपचारको क्रममा त्रिवि शिक्षण अस्पताल महाराजगञ्जमा मृत्यु भएको प्रहरीले जनाएको छ ।

हत्यामा संलग्न आरोपमा दुई जनालाई पक्राउ गरिएको जनाइएको छ ।