कोशी सरकारविरुद्धको रिट न्यायाधीश चुडाल, सुवेदी र प्रधानको पूर्ण इजलासमा

काठमाडौं , भदौ १८ ।कोशी सरकारविरुद्ध सर्वोच्च अदालतमा परेको मुद्दाको आजबाट पूर्ण इजलासमा सुनुवाइ हुने भएको छ । पूर्वमुख्यमन्त्री हिक्मतकुमार कार्कीले  कोशी प्रदेशका मुख्यमन्त्री उद्धव थापाले लिएको विश्वासको मत असंवैधानिक रहेको दाबीसहित  सर्वोच्च अदालतमा रिट  दायर गरेका थिए ।

पूर्वमुख्यमन्त्री कार्कीले भदौ ६ गते सर्वोच्च अदालतमा रिट दायर गरेका थिए।  न्यायाधीशहरु कुमार चुडाल, सपना मल्ल  प्रधान र  नहकुल सुवेदीको पुर्ण इजलासमा सुनुवाईका लागि पेसी तोकिएको हाे ।

यसअघि भदौ ७ गते उक्त रिट निवेदनमाथि प्रारम्भिक सुनुवाइ गर्दै न्यायाधीश ईश्वरप्रसाद खतिवडाले कारण देखाऊ आदेश जारी  गरेका थिए ।