आज आइतबार सूर्यदेवको पूजा: स्वास्थ्य, शक्ति र आत्मविश्वासको स्रोत

काठमाडौं – प्रत्येक आइतबार सूर्यनारायण भगवानलाई समर्पित दिन मानिँदै आएको छ। यस अवसरमा भक्तजनहरूले नजिकको शिव वा विष्णु मन्दिरमा रहेको सूर्यदेवको मन्दिरमा पूजा गर्ने परम्परा रहेको छ। साथै, घरमै पनि सूर्यदेवको आराधना गर्न सकिन्छ, जसअन्तर्गत सूर्यलाई जल अर्पण गरिन्छ।

सूर्यलाई जल चढाउनु आत्मशुद्धि गर्ने तथा स्वास्थ्य र दीर्घायुको आशीर्वाद प्राप्त गर्ने विधि मानिन्छ। यो प्रक्रिया विशेष गरी सूर्य उदय वा अस्त हुने समयमा पूर्वतर्फ फर्केर गर्नुपर्ने धार्मिक विश्वास रहिआएको छ। यसअघि स्नान गर्ने परम्परा समेत रहेको छ।

विशेषज्ञहरूका अनुसार, सूर्य भगवान नेतृत्व, शक्ति र आत्मविश्वासको प्रतीक मानिन्छन्। व्यापार तथा राजनीतिमा संलग्न व्यक्तिहरूले सूर्यनारायणको पूजा गर्नाले आफ्नो सफलता र प्रतिष्ठा अभिवृद्धि हुने विश्वास गरिन्छ। साथै, हिन्दू धर्मशास्त्रअनुसार, सूर्यदेव यम, शनि र सूर्यपुत्र कर्णका पिता मानिन्छन्।

सूर्य भगवानको मन्त्रस्
ॐ ह्रां ह्रीं ह्रौं सह सूर्याय नमः

यस मन्त्रको अर्थ ‘महान् सूर्यदेवलाई दिव्य कृपाका लागि नमन गर्दछु’ भन्ने रहेको छ।