विश्व बिरामी सुरक्षा दिवस -२०२४ ,स्वास्थ्य सेवामा सही निदानको प्रक्रिया र यसको प्रभावको बारेमा जनचेतना फैलाउदै

काठमाडौं, २०८१ असोज १ – यस वर्षको विश्व बिरामी सुरक्षा दिवसको मुख्य विषय सही र समयमै निदानको महत्वमा केन्द्रित गरिएको छ। विश्व बिरामी सुरक्षा दिवस : १७ सेप्टेम्बर, २०२४ “निदानमा सुघार सुरक्षाको आधार” भन्ने नारा अन्तर्गत, निदान प्रक्रियामा सुधार ल्याउने र बिरामीको सुरक्षा बढाउने उद्देश्य राखिएको छ।

निदान प्रक्रियाले रोगीको स्वास्थ्य समस्यालाई पहिचान गर्न मद्दत गर्छ। निदानको प्रक्रियामा बिरामी र स्वास्थ्य सेवा टोलीको मिलेर काम गर्नु महत्त्वपूर्ण छ। यस प्रक्रियामा रोगीसँगको छलफल, शारीरिक जाँच, परीक्षण र परिणामहरूको समीक्षा समावेश हुन्छ, जसपछि अन्तिम निदान र उपचारको निर्णय गरिन्छ। यस क्रममा कुनै पनि चरणमा त्रुटिहरू सम्भावित हुन्छन्, जसका कारण दीर्घकालीन रोग, अक्षमता वा मृत्युको जोखिम बढ्न सक्छ।

विश्व बिरामी सुरक्षा दिवसको अवसरमा, बिरामी र उनका परिवार, स्वास्थ्यकर्मी, स्वास्थ्य सेवा नेताहरू, नीति निर्माता र नागरिक समाजले सही र समयमै निदानको महत्वपूर्ण भूमिकालाई जोड दिनेछन्। यस दिन, निदान प्रक्रियामा सुधार ल्याउने र यसको सही कार्यान्वयनमा ध्यान केन्द्रित गर्ने कुरा विशेष महत्वका साथ गरिनेछ।

निदानको विलम्ब, त्रुटि वा छुटले रोगको अवस्था लामो समयसम्म निरन्तर रहन सक्छ र कहिलेकाहीँ गम्भीर स्वास्थ्य समस्याहरू निम्त्याउन सक्छ। यसैले, विश्व बिरामी सुरक्षा दिवसले सही निदानको आवश्यकतामा जोड दिनुका साथै यसको सुरक्षित कार्यान्वयनको महत्वलाई जनाउँदै स्वास्थ्य क्षेत्रमा सुधारको प्रयासलाई प्रोत्साहित गरेको छ।