ओली जस्तो प्रधानमन्त्री कोही नपाएको भन्दै एमाले प्रवेश गरे पूर्वआइजीपी खनाल

काठमाडौँ  ,६ असोज | नेपाल प्रहरीका पूर्वआइजीपी सर्वेन्द्र खनाल नेकपा एमाले प्रवेश गरेका छन् ।बिहीबार पार्टी कार्यालय च्यासलमा आयोजित कार्यक्रममा एमाले प्रवेश गरेका हुन । पूर्वआइजीपी  खनालले अध्यक्ष केपी ओलीको शीतल छहारी पाउने विश्वासमा पार्टी प्रवेश गरेको बताए ।

उनले नेपाल प्रहरीको संगठनमा विभिन्न पद हुदै प्रमुख समेत भएर काम गर्दा केपी ओली जस्तो प्रधानमन्त्री कोही नपाएको बताएका छन् ।आफूले सातवटा प्रधानमन्त्री भोगेको तर उहाँजस्तो राष्ट्रवादी र सत्यको पक्षमा लाग्ने प्रधानमन्त्री केहिँ पाइन भन्दै खनालले प्रशंसा समेत गरे ।

देश, जनता र सत्यको पक्षमा ओली उभिने नेताको रूपमा आफूले पहिल्यै लागेको खनालको भनाइ छ ।

सिके राउतलाई शान्तिपूर्ण राजनीतिमा ल्याएको र नेत्रविक्रम चन्द विप्लव नेतृत्वको नेकपालाई पनि शान्न्तिपूर्ण राजनीतिमा ल्याएका ओली जस्ता नेता हामीले अर्को पाउन नसकेको उनले बताए ।