सबै बन्धक रिहाइ गर्न हमासलाई ट्रम्पको अन्तिम चेतावनी

एजेन्सी । अमेरिकाका राष्ट्रपति डोनाल्ड ट्रम्पले इजरायली बन्धकहरूको रिहाइको विषयमा हमासलाई अन्तिम चेतावनी दिएका छन्। ट्रम्पले सामाजिक सञ्जाल ट्रुथमार्फत चेतावनी दिएका छन् कि यदि बन्धकहरू छोडिएन भने हमासका कुनै सदस्य पनि जीवित रहने छैन। उनले इजरायललाई आवश्यक सहयोग पठाइरहेको भए पनि के सहयोग पठाइरहेका छन् भने स्पष्ट पारेका छैनन्।

ट्रम्पको यो चेतावनी ह्वाइट हाउसले हमाससँग बन्धक मुद्दामा वार्ता गरिरहेको पुष्टि गरेको केही घण्टापछि आएको हो। उनले इजरायललाई बन्धकहरूको रिहाइ र मरेका व्यक्तिहरूको शव फिर्ता गर्न दबाब दिएका छन्। ७ अक्टोबर २०२३ मा हमासले इजरायलमा आक्रमण गरेको थियो, जसमा १,२०० को मृत्यु र २५१ बन्धक बनाइएका थिए। इजरायलको जवाफमा गाजामा ४८ हजार ३६५ व्यक्तिको मृत्यु भएको छ। नेपाली विद्यार्थी विपिन जोशीको रिहाइ भने अझै अन्योलमा छ।