ट्रेड टावर लिमिटेडको आईपीओ बाँडफाँड , यसरी हेर्न सकिन्छ नतिजा

काठमाडौं | ट्रेड टावर लिमिटेडले सर्वसाधारणका लागि निष्कासन गरेको प्राथमिक शेयर (IPO) को बाँडफाँड प्रक्रिया शनिबार बिहान सम्पन्न भएको छ। धितोपत्र बिक्री प्रबन्धक लक्ष्मी सनराइज क्यापिटलका अनुसार, काठमाडौंको गौशालास्थित होटल क्रिस्टल पशुपतिमा बिहान साढे ९ बजे बाँडफाँड गरिएको हो।

कम्पनीले जेठ १४ गतेदेखि २० गतेसम्म प्रतिकित्ता १०० रुपैयाँ अंकित मूल्यमा कुल ३३ लाख ५० हजार कित्ता आईपीओ निष्कासन गरेको थियो। जसमध्ये, केही कित्ता सामूहिक लगानी कोष र कर्मचारीका लागि छुट्याएर बाँकी ३२ लाख ९५ हजार कित्ता सर्वसाधारणमा बाँडफाँट गरिने भएको थियो।

लक्ष्मी सनराइज क्यापिटलका अनुसार, उक्त आईपीओमा २१ लाख ६९ हजार ८९१ जना आवेदकले कुल २ करोड ५७ लाख ७९ हजार ७९० कित्ताको लागि आवेदन दिएका थिए। यो संख्या मागभन्दा ७.८२ गुणा बढी हो।

त्यसैले बाँडफाँड गोलाप्रथा प्रणालीमार्फत गरिएको हो।

कुल ३ लाख २९ हजार ६५० जना आवेदकले मात्र १० कित्ताका दरले शेयर प्राप्त गरेका छन्।

बाँडफाँड गर्दा बाँकी रहेको ५.१९ कित्तामध्ये ५ जनालाई १–१ कित्ता र एक जनालाई ०.१९ कित्ता बाँडिएको हो।

यसअनुसार, करिब १८ लाख ४० हजारभन्दा बढी लगानीकर्ता खाली हात परेका छन्।

आईपीओ नतिजा हेर्ने माध्यमहरू
आईपीओको नतिजा निम्न अनलाइन माध्यमहरूबाट सजिलै हेर्न सकिन्छ:

– मेरो सेयर पोर्टल: https://meroshare.cdsc.com.np
– लक्ष्मी सनराइज क्यापिटलको वेबसाइट: https://www.laxmicapital.com.np

– ट्रेड टावर लिमिटेडको वेबसाइट (यदि उपलब्ध)

लगानीकर्ताहरूले आफ्नो डीपी आइडी, ग्राहक संकेत नम्बर (BOID) प्रयोग गरी परिणाम हेर्न सक्नेछन्।