आज कागेअष्टमी ,कागेश्वरी महादेव मन्दिरमा गई पूजा आराधना गरेमा कागको स्पर्शबाट मुक्त भइने विश्वास

काठमाडौँ, १९ भाद्र ।प्रत्येक वर्ष भाद्र शुक्ल अष्टमीका दिन मनाइने कागे अष्टमी पर्व आज कागेश्वरी महादेव मन्दिरमा पूजा आराधना गरी मनाइँदै छ । आजको दिन कागेश्वरी  महादेव मन्दिरमा गई पूजा आराधना गरेमा कागको स्पर्शलगायत दोषबाट मुक्त भइने विश्वास रहेको छ । कागेश्वरी महादेव मन्दिर जान नसक्ने भक्तजनले हनुमानढोका र पशुपति क्षेत्रमा रहेको कागेश्वरी मन्दिरमा पूजा, आराधना एवं दर्शन गर्ने गरेका छन् ।

यसै अवसरमा कागेश्वरीमा हरियो मकै चढाएमा कागले बारीमा लगाएको मकै नखाने धार्मिक विश्वास रहेको छ । श्रावण शुक्ल पूर्णिमा अथवा गङ्गा दशहरा पर्वका अवसरमा रसुवाको प्रसिद्ध धार्मिकस्थल गोसाइँकुण्डमा पुगेका भक्तजनले त्यहाँबाट ल्याएको जल आज कागेश्वरीमा चढाउनुपर्छ भन्ने विधिसमेत रहेको छ ।यो नेपालकै ठूलो कागको मूर्ति हो ।

यस पर्वका अवसरमा आज कागेश्वरी मनोहरा नगरपालिका–१ ले सार्वजनिक बिदा दिएको छ ।यहाँ लाग्ने मेलामा तामाङ र नेवार समुदायका सांस्कृतिक झाँकी प्रदर्शन गरिन्छ ।मेला हेर्न र मेला भर्नका लागि काठमाडौँ ,भक्तmपुर,ललितपुरका साथै नुवाकोट, सिन्धुपाल्चोक, काभे्रपलाञ्चोक, रसुवा, दोलखा, रामेछाप, सिन्धुलीलगायत जिल्लाका मानिसको बढी भीड लाग्ने गरेको छ ।

कागेश्वरी मनोहरा नगरपालिका–१ मा पर्ने यो मन्दिर नेपालकै ठूलो कागको मूर्ति हो ।