सुनको मूल्य प्रतितोला २ लाख ६० हजार ७ सय रुपैयाँ

काठमाडौं। आज सोमबार सुनको मूल्यले नयाँ रेकर्ड कायम गरेको छ । अघिल्लो दिनको तुलनामा आज सुनको भाउ प्रतितोला १ हजार ९ सय रुपैयाँ बढेको छ। नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ६० हजार ७ सय रुपैयाँ मूल्य रेहेको छ । यो मूल्य हालसम्मकै उच्च हो । हिजो २ लाख ५८ हजार ८ सय रुपैयाँमा सुनको कारोबार भएको थियो ।

चाँदीको भाउ प्रतितोला ४५ रुपैयाँ बढेको छ । अघिल्लो दिन प्रतितोला ३ हजार ८२५ रुपैयाँमा कारोबार भएको चाँदी आज ३ हजार ८७० रुपैयाँ पुगेको महासंघले जनाएको छ ।