५ सयले बढ्यो सुनको मूल्य

काठमाडौं , चैत ११ । आज  नेपाली बजारमा  सुनको भाउ प्रतितोला ५ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार मंगलबार प्रतितोला एक लाख ८ हजार रूपैयाँमा कारोबार भएको छापावाल सुनको मूल्य बुधबार ५ सय रूपैयाँले बढेर एक लाख ८ हजार ५ सय रूपैयाँमा कारोबार भइरहेको छ ।

तेजावी सुन प्रतितोला एक लाख ८ हजार रूपैयाँमा कारोबार भइरहेको छ ।

त्यसैगरी, चाँदीको मूल्य पनि बुधबार १० रूपैयाँले बढेर १३ सय ६५ रूपैयाँमा कारोबार भइरहेको महासंघले जनाएको छ ।