आज पनि घट्यो सुनको मूल्य

काठमाडौँ  , ११ वैशाख | आज मंगलबार पनि नेपाली बजारमा सुनको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३५ हजार पाँच सय रूपैयाँ रहेको छ । हिजो सोमबार छापावाल सुन प्रतितोला एक लाख ३८ हजार दुई सय रूपैयाँमा कारोबार भएको थियो ।

आज अघिल्लो दिनको तुलनामा प्रतितोला दुई हजार सात सय रूपैयाँ घटेको छ । तेजाबी सुन प्रतितोला एक लाख ३४ हजार आठ सय ५० रूपैयाँमा कारोबार भइरहेको छ।
सोमबार तेजाबी सुन प्रतितोला एक लाख ३७ हजार पाँच सय ५० रूपैयाँमा कारोबार भएको थियो ।

आज चाँदी प्रतितोला १ हजार ६६० रुपैयाँमा कारोबार भइरहेको महासंघले जनाएको छ। हिजोको तुलनामा आज चाँदी प्रतितोला ४५ रुपैयाँले घटेको हो ।