प्रतितोला एक हजारले घट्यो सुनको मूल्य

काठमाडौं, फागुन ३०। नेपाली बजारमा बुधबार सुन–चाँदीको मूल्य घटेको छ। गत मंगलबारदेखि नयाँ रेकर्ड बनाएको सुनको मूल्य आज घटेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख २५ हजार रूपैयाँ र तेजाबी सुन प्रतितोला एक लाख २४ हजार चार सय रूपैयाँमा कारोबार भइरहेको छ।

मंगलबार छापावाल सुन प्रतितोला एक लाख २६ हजार रूपैयाँ र तेजाबी सुन प्रतितोला एक लाख २५ हजार चार सय रूपैयाँमा कारोबार भएको थियो।

त्यस्तै आज चाँदीको मूल्य हिजोको तुलनामा प्रतितोला २० रूपैयाँले  घटेर एक हजार चार सय ६५ तोकिएको महासङ्घले जनाएको छ ।