प्रतितोला दुई हजार चार सयले घट्यो सुनको मूल्य

काठमाडौँ, १० साउन । साताको पाँचौं कारोबार दिन सुनको भाउमा भारी गिरावट आएको छ । उक्त दिन सुनको भाउ प्रतितोला २४०० रुपैंयाले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४५ हजार रुपैयाँ कायम भएको छ । त्यस्तै, तेजावी सुनको मूल्य प्रतितोला १ लाख ४४ हजार ३०० रुपैयाँमा कारोबार भइरहेको छ ।

अघिल्लो कारोबार दिन बुधबार छापावाल सुन प्रतितोला १ लाख ४७ हजार ४०० रुपैयाँमा कारोबार भएको थियो । यस्तै, तेजावी सुनको मूल्य तोलाको १ लाख ४६ हजार ७०० रुपैयाँमा कारोबार भएको थियो।

त्यसैगरी आज चाँदीको भाउ ५५ रुपैंयाले घटेर १ हजार ७०५ रुपैयाँमा कारोबार भइरहेको महासंघले जनाएको छ ।