भलिबल खेलाडीहरूलाई जनही तीन लाख दिने सरकारको निर्णय

काठमाडौं,३२ साउन। काभा महिला नेसन्स लिग भलिबल प्रतियोगितामा दोस्रो भएका नेपाली भलिबल खेलाडीहरूलाई सरकारले जनही तीन लाख दिने निर्णय गरेको छ।

शुक्रबार बसेको मन्त्रिपरिषद बैठकले टोलीका १४ जना खेलाडीलाई जनही तीन लाख, मुख्य प्रशिक्षकलाई दुई लाख तथा सहायक प्रशिक्षक, व्यवस्थापक र फिजियोलाई जनही एक लाख २० हजार रुपियाँ पुरस्कार उक्त रकम दिने निर्णय गरेको हो।

साउन १७ गते देखि २३ गतेसम्म भएको प्रतियोगिताको लिग चरणमा नेपालले श्रीलङ्काका, माल्दिभ्स र भारतलाई पराजित गरेको थियो । यस्तै सेमिफाइनलमा इरानलाई हराएको नेपाल फाइनलमा भारतसँग ३–२ ले पराजित भएको थियो ।