लामिछाने विरुद्धको मुद्दामा आज पनि थुनछेक बहस

काठमाडौँ  , १८ कात्तिक | क्रिकेटर सन्दीप लामिछाने  विरुद्धको  बलात्कार मुद्दामा आज पनि थुनछेक बहस हुँदैछ ।क्रिकेटर  लामिछानेविरुद्धको मुद्दामा आजै फैसला आउने सम्भावना रहेको छ ।  बिहीबार पनि बहस नसकिएपछि शुक्रबारका लागि हेर्दहेर्दैमा राखिएको थियो ।आज जवाफी बहस हुँदैछ ।

लामिछानेविरुद्धको जबरजस्ती करणीको मुद्दामा मंगलबारबाट बयान शुरु भएको थियो । सन्दीपका तर्फबाट बिहीवार ८ जना अधिवक्ताले बहस गरेका थिए । बहसका क्रममा प्रतिवादीतर्फका वकिलले पीडित किशोरीको उमेर १८ वर्ष पुगिसकेको भन्दै प्रमाण पेश गरेको दावी गरेका छन् ।

किशोरीको जन्म मिति २०६१ जेठ १८ गते रहेको विद्यालयको कागजात पेश गरिएको बताएका छन् ।सन्दीपलाई १७ वर्षीया नाबालिगलाई बलात्कार गरेको आरोप छ । सरकारी वकिल कार्यालयले दर्ता गरेको मुद्दामा लामिछानेलाई १० देखि १२ वर्षसम्म कैद सजाय माग गरिएको छ।