सुमना श्रेष्ठले राष्ट्रिय स्वतन्त्र पार्टी परित्याग गर्दै नेतृत्वप्रति असन्तुष्टि सार्वजनिक

काठमाडौं । राष्ट्रिय स्वतन्त्र पार्टी (रास्वपा) की नेतृ सुमना श्रेष्ठले पार्टी परित्याग गरेको घोषणा गरेकी छन्। सामाजिक सञ्जालमार्फत उनले पार्टीले गल्ती स्वीकार नगर्ने, आलोचकहरूलाई मिडिया ट्रायलमार्फत बदनाम गर्ने प्रवृत्तिले आफूलाई निराश बनाएको उल्लेख गरेकी छन्।

श्रेष्ठले पार्टीले देशभन्दा माथि पार्टी र पार्टीभन्दा माथि नेतालाई प्राथमिकता दिन थालेको भन्दै गम्भीर असन्तुष्टि जनाइन्। उनले लेखेकी छन्, “अब खुला आक्रमण गर्न सजिलो बनाइदिएको छु, मनलाग्दी चलाउनुहोस्, म पार्टी छोडेँ।”

उनले कांग्रेस, एमालेलगायतका तेस्रो पुस्ताका नेताहरूप्रति पनि कटाक्ष गर्दै, “आजको अवस्था पुरानो नेतृत्वको बोझकै कारण आएको हो, नेताहरूलाई पूजा गर्ने संस्कार अब अन्त्य गर्नुपर्छ, कि हटाउनुहोस्, कि हट्नुहोस्” भन्दै आव्हान गरेकी छन्।

“कहिलै गल्ति नस्विकार्ने । गल्तिमाथि गल्ति गरिरहने र त्यसको बोझ पार्टीका सबैले बोकिदिनु पर्ने । पार्टीभित्र आलोचना गर्नेहरूका विरूद्धमा मिडिया ट्रायल गर्ने । जहिलेदेखि राष्ट्रिय स्वतन्त्र पार्टीले देश भन्दा माथि पार्टी र पार्टीभन्दा माथि नेतालाई राख्न थालेको हो, त्यति बेला देखि नै आलोचना गर्दै आएको हुँ । तर त्यसले कत्ति पनि फरक पारेन । अझ उल्टै मीडिया ट्रयाल हुन थाल्यो । यो स्विकार्य छैन ।
अब खुल्लारूपमा आक्रमण गर्ने हो भने पनि सजिलो बनाइदिएको छु । मनलाग्दी चलुन्जेल मनलाग्दी गर्नु होला । I QUIT. मैले पार्टी छोडेँ ।
कांग्रेस एमाले लगायतका पार्टीका तेस्रो पुस्ताका नेताहरू पनि यो सोच्नुहोस् । आजको दिनको परिस्थिति आउन तपाईहरूको भन्दा बढि तपाईहरूको नेतृत्वको बहेराले हो । त्यो किन बोकेर बस्नु हुन्छ ? अहिले सहि समय आएको छ । आफ्ना नेताहरूलाई पुजा गर्न बन्द गर्नुहोस् । कि हटाउनुहोस्, कि हट्नुहोस् ।”