शताब्दीपुरुष सत्यमोहन जोशीको सालिक ललितपुरमा अनावरण

काठमाडौं — वाङ्मय शताब्दीपुरुष सत्यमोहन जोशीको १०६औँ जन्मजयन्तीको अवसरमा ललितपुर महानगरपालिकाले उनको अर्धकदको सालिक अनावरण गरेको छ। महानगर प्रमुख चिरीबाबु महर्जनले झनाख्य मेट्रो पार्कमा सालिक अनावरण गर्दै जोशी राष्ट्रको गहना भएको र उनले जीवनभर भाषा, कला र संस्कृतिको संरक्षणमा गरेको योगदान स्मरणीय रहेको बताए।

उनले जोशीको इच्छाअनुसार ‘वैद्य बा’ चलचित्र लबिम मलमा आजदेखि प्रदर्शनमा आएको जानकारी दिए। उनले जीवितै जोशीको नाममा टकमारी, हुलाक टिकट र जनसागरबीच बग्गी यात्रा गरिएको पनि सम्झिए।

महानगरले आगामी दिनमा पनि जोशीको योगदानलाई उजागर गर्ने कार्यक्रमहरू बजेटमा राखेर गर्ने बताएको छ। विक्रम संवत १९७७ सालमा जन्मिएका जोशीको २०७९ असोज ३० गते १०३ वर्षको उमेरमा निधन भएको थियो।