आजदेखि १५ वर्ष ननाघेका किशोरीलाई एचपीभीविरुद्धको खोप लगाइँदै

काठमाडौँ  , २७ भदौ  | आज भदौ २७ गतेदेखि १४ वर्ष उमेर पूरा भएका र १५ वर्ष ननाघेका किशोरीलाई लक्षित गर्दै पाठेघरको मुखको क्यान्सर बिरुद्धको खोप लगाइने भएको छ । आज भदौ २७ गतेदेखि १४ वर्ष उमेर पूरा भएका र १५ वर्ष ननाघेका किशोरीलाई लक्षित गर्दै पाठेघरको मुखको क्यान्सर बिरुद्धको खोप लगाइने भएको छ ।

पाठेघरको मुखको क्यान्सर  बिरुद्धको २० हजार मात्रा एचपिभि खोप लगाउन लागेको  हो । विश्व स्वास्थ्य सङ्गठनले मान्यता दिएको खोप ६ महिनाको अन्तरालमा २ मात्रा लगाउनुपर्ने हुन्छ।

पहिलो चरण भएकाले यो खोप १४ वर्ष उमेर पूरा भएका र १५ वर्ष ननाघेका किशोरीलाई लगाउन लागिएको हो। सामान्यतया यो खोप ९ देखि १४ वर्ष उमेरका किशोरीलाई लगाइन्छ।

पहिलो मात्रा खोप लगाउँदा उमेर खुल्ने आधिकारिक प्रमाण, दोस्रो मात्राको हकमा पहिलो मात्रा लगाएको खोप कार्ड आवश्यक पर्ने छ । एचपिभि खोप लगाएपछि खोप लगाएको ठाउँमा दुख्ने वा सुन्निने, टाउको दुख्ने, वाकवाकी लाग्ने, थकान महसुस हुने,रिगंटा लाग्ने, ज्वरो आउने, एलर्जी रियाक्शन हुने भएपनि यी असरहरु सामान्य हुन् ।